"İtin ölüsündən də istifadə edirlər"
Son vaxtlar Azərbaycanda keçiriləcək I Avropa Oyunlarının keçirilməsininin əleyhinə olan bəzi beynəlxalq təşkilatların baykot çağrışı Azərbaycanın siyasi partiya rəhbərliyində təmsil olunan şəxslərin də ciddi narazılığına səbəb olub.
Bununla bağlı facebook.com sosial şəbəkəsində status yazan BAXCP sədrinin icitimai və siyasi məsələr üzrə müavini Niyaməddin Orduxanlı kəskin etirazını bildirib: "Azərbaycan dövlətinə zərbə vurmaq üçün itin ölüsündən də istifadə edirlər. Ermənirpərəst - “Amnesty İnternational” -beynəlxalq təşkilatı və buna oxşar təşkilatların ciddi "narahatcılığını" başa düşürəm. Mənim sözüm "bizimkilərədir". Bütün günü yandırılmış itlərin şəkillərini yayaraq vay-şüvən qoparırlar.
Birmənalı şəkildə bildirirəm ki, nəinki itlərin, heç ağcaqanadların da yandırılmasının tərəfdarı deyiləm və bunu vəhşilik hesab edirəm. Ancaq bu adamların "itşüvən"liyinin arxasında milli maraqlara zərbə vurmaq məkirini görməmək olmur. İlk Avropa oyunları keçirməyə hazırlaşan Azərbaycanı gözdən salmaqla nə qazandınız və indi nə qazanacaqsınız?! Avroviziya yarışmasına bir şey qazanmadınızsa, indi də heçnə qazanmayacaqsınız. Bütün günü özünüzü öldürüdünüz ki, "Azərbaycan hakmiyyəti erməni idmancılarının xərclərini ödüyəcək". Bu gündən sonra nə yazacaqsınız...Ermənistan idmancıları Azərbaycanda keçiriləcək Bakı-2015 yay Olimpiya oyunlarına qatılmayacaq. Kədərləndiz? Buna daha çox inanıram...Bu gün sədrim- Bütöv Azərbaycan Xalq Cəbhəsi Partiyasının (BAXCP) sədri, Milli Məclisin deputatı Qüdrət Həsənquliyev parlamentin iclasında çıxışı edib deyib ki, I Avropa Oyunları ərəfəsində bir sıra ermənipərəst xarici təşkilatların fəallaşması təbiidir və bu təşkilatlara bəhanə verməmək üçün Ombudsman öz imkanlarından istifadə etsin: Avropa Oyunlarının tanıdılması işində aktiv iştirak edə bilər. Biz bilirik ki, erməni diasporu, Azərbaycanı sevməyən qüvvələr var. Onlar beynəlxalq hüquq və müdafiə təşkilatlarını maliyyələşdirirlər.
Dünyada insan hüquqları sahəsində ictimai rəyi beynəlxalq hüquq müdafiə təşkilatları yaradır. Odur ki, Elmira Suleymanova da imkanlarından və nüfuzundan istifadə edərək bəzi şəxslərin azadlığa çıxmasına nail olsun və bu beynəlxalq idman yarışına kölgə salmaq istəyənlərə imkan verməsin. Məncə, Qüdrət bəy çox düz deyib...
Ölkə.Az
