8 Martda qızlara hansı hədiyyələri verəcəksiniz?

8 Mart beynəlxalq qadınlıar bayramına bir gün qalmış Ölkə.az-ın çəkiliş qrupu paytaxt sakinləri arasında videosorğu keçirib.

Oğlan və qızlara ünvanlanan suallardan da göründüyü kimi, gənc nəsil bu bayramı nəyin bahasına olur-olsun qeyd etməkdə maraqlıdır.

Sorğuda iştirak edən oğlanların əksəriyyəti yaxınlarına gül və digər hədiyyələr alacaqlarını bildiriblər.

Rəyi soruşulan qızların əksəriyyəti də oğlanlardan məhz bu hədiyyələri gözlədiklərini bildiriblər.

Sevindirici hal isə odur ki, qızlar arasında hədiyyə kimi kitab gözləyənlər də tapılıb.

Biz də Ölkə.az kollektivi adından, başda qız həmkərlarımız olmaqla bütün Azərbaycan qadınlarını bu bayram münasibəti ilə ürəkdən təbrik edirik.

Nurlan və Çinarə

Ölkə.az