\"Bazar Store\" müştərilərini belə aldadır

"Park Bulvarda" yerləşən "Bazar Store" supermarketlər şəbəkəsinin qəribə fırıldağı üzə çıxıb.

Ölkə.Az-a daxil olan məlumatda bildirilir ki, dünən "Park Bulvar"-da yerləşən "Bazar Store" supermarketində istehlakçı hüququ kobudcasına pozulub. Sözün əsl mənasında burada müştəriləri həyasızcasına aldadırlar.

Xırda alış-verişdə vitrindəki qiymətlərlə kassa çekindəki qiymətlərin fərqi 50 qəpikdən çox edib. Maraqlıdır, görəsən böyük məbləğda alış-veriş edən vətəndaşlar bu marketin mağazalarında nə qədər ziyana düşürlər?

Market rəhbərliyinin və işçi personalın qiymətləri artırmaları bir yana, üstündə konkret qiymətləri olan malları belə müştərilərə baha qiymətə sırıyırlar.

1,11 AZN qiyməti olan malı 1,22 AZN-ya, 0,75 AZN qiyməti olan malı isə 0,88 AZN-ya satırlar. Həmçinin supermarketdə yerli istehsal olan və istehsalçı şirkət tərəfindən bahalaşmadığı açıqlanan "Azərçay"ın vitrində kampaniyada olduğu və qiymətinin 0,82 AZN təşkil etdiyi qeyd edildiyi halda kassa çekində 1,48 AZN-ya oluğu oraya çıxır. "3-ü 1-də" olan "Nescafe" paketlərinin ədədi vitrində 20 qəpik göstərilsə də onun da 29 qəpiyə olduğu görünür.

Diqqətinizə çatdırırıq ki, məsələ ilə bağlı əlaqədar qurumlara və istehlakçı hüquqlarının qorunması ilə birbaşa məşğul olan təşkilatlara məlumat veriləcək.