İmtahanların nəticələri açıqlandı

TQDK məlumat yayıb.

Azərbaycanda peşə liseylərinin sonuncu sinfində təhsil alan şagirdlər üçün keçirilən buraxılış imtahanının və rezidenturaya qəbul imtahanının I mərhələsinin nəticələri açıqlanıb.

Tələbə Qəbulu üzrə Dövlət Komissiyasından Ölkə.Az-a verilən xəbərə görə, martın 15-də ölkənin bütün peşə liseylərinin (cəmi 44) sonuncu sinfində təhsil alan şagirdlər üçün buraxılış imtahanı keçirilib.

İmtahan nəticələri TQDK-nın internet saytında yerləşdirilib. Nəticələrlə //eservices.tqdk.gov.az/netorta/?frm=egov linkinə daxil olmaqla tanış olmaq olar.

Rezidenturaya qəbul imtahanında iştirak etmiş namizədlər imtahan nəticələri barədə TQDK-nın internet saytına daxil olaraq və ya iş nömrələrini 7727 nömrəsinə göndərməklə tanış ola bilərlər.

Ölkə.Az