Osman Gündüz: "Avropa Oyunları ərəfəsində turistlər problemsiz internetdən istifadə edə biləcəklər"
"Sistem tam dayanıqlı şəkildə tənzimlənib"
"Hazırda ölkədə internet xidmətlərinin yüksəldilməsi istiqamətində mühüm işlər həyata keçirilir. Ölkəmizin bununla bağlı təcrübəsi də var. İndiyədək belə bir böyük radiusda qlobal əhəmiyyət daşıyan tədbir həyata keçirmişik. Avropa Oyunlarına hələ müəyyən qədər vaxt qalsa da, mövcud zəruri infrastrukturlar artıq indidən qurulub".
Bu sözləri Ölkə.Az-a danışan "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz deyib.
"Avropa Oyunları ilə əlaqədar ölkəmizə gələcək kontingentin sayı və onların istifadə edəcəyi internetin həcmi bəllidir. Düşünürəm ki, həm otellərdə, həm də tədbir keçirən ərazilərdə, o cümlədən ictimai yerlərdə yetərincə, dayanıqlı bir internet infrastrukturu yaranacaq. Artıq bəzi yerlərdə sistem tam dayanıqlı şəkildə tənzimlənib".
Fatimə İbrahimova
Ölkə.az
