Ülkər İsayevanın döyüldüyü əks olunan videonu mətbuata sızdıran şəxsin adı məlum oldu
Məlumatlı mənbədən Ölkə.az-a daxil olan informasiyada Ülkər İsayevanın döyüldüyü anın görüntülərini özündə əks etdirən videonu mətbuata sızdıran şəxsin kimliyi məlum olub.
Mənbə xəbər verir ki, Xəzər universitetinin rektorunun qızının döyüldüyü səhnəni özündə əks etdirən videonu mətbuata Ülkər İsayevanın keçmiş həyat yoldaşı Aydın Əhmədzadənin əmisi oğlu Rəşad Əhmədzadə sızdırıb.
Qeyd edək ki, görüntülər küçədəki polis müşahidə kamerası tərəfindən qeydə alınıb.
Adının çəkilməsini istəməyən mənbə bildirir ki, Rəşad Əhmədzadə Səbail rayon 6-cı polis bölməsinin rəisidir. Ülkər İsayevanın keçmiş həyat yoldaşı Aydın Əhmədzadə isə məşhur həkim Tərlan Əhmədzadənin oğludur. Məlumata görə, Rəşad Əhmədzadə əmisi oğluna qızını Ülkər İsayevadan almağa kömək etmək niyyəti ilə bu videonu mətbuata sızdırıb.
Xatırladırıq ki, Ülkər İsayevanın birinci həyat yoldaşı Aydın Əhmədzadə Əhməd Əhmədzadənin qardaşı oğludur.
Ölkə.Az
