Zaur Məmmədov azadlıqda qalsa, Ülkər İsayevaya yenidən xəsarət törədə bilərdi

Ülkər İsayeva qalmaqalının yeni təfərrüatları bəlli olub.

Zaur Məmmədova 2 ay müddətində həbs edən məhkəmə qərarı mətni Ölkə.az-a bəlli olub.

Etibarlı mənbə məhkəmə hökmünün mətnində bunların yazıldığını bildirir:

"Əgər Zaur Məmmədov azadlıqda qalarsa, Ülkər İsayevaya yenidən xəsarət törədə bilər, həm də təqsirli şəxsin təcrid olunması vacibdir. Cinayət Məcəlləsinin 221.1. (Xuliqanlıq, yəni ictimai qaydanı kobud surətdə pozan, cəmiyyətə açıqca hörmətsizlik ifadə edən, vətəndaşlar üzərində zor tətbiq olunması ilə və ya belə zorun tətbiq edilməsi hədəsi ilə, habelə özgənin əmlakının məhv edilməsi, yaxud zədələnməsi ilə müşayiət edilən qərəzli hərəkətlər—

— yüz altmış saatdan iki yüz saatadək ictimai işlər və ya bir ilədək müddətə islah işləri və ya bir ilədək müddətə azadlıqdan məhrum etmə ilə cəzalandırılır) maddəsi əldə rəhbər tutularaq Zaur Məmmədovun barəsində həbs qətimkan tədbiri seçilib".

Mənbə bildirir ki, ortada döyülmə faktı və şikayət ərizəsi var. Əgər şikayət ərizəsi olmasa idi prokuror protest verə bilməzdi.

Həmçinin məlumat verilir ki, Elin Məmmədovun evə buraxılmasına baxmayaraq, onun ölkədən çıxması qadağan edilib.

Ölkə.az