Azərbaycanda məhbuslar şəhərə gəzməyə çıxdı

Tərbiyə müəssisəsində nümunəvi davranışı ilə seçilən yetkinlik yaşına çatmayan məhkumların xidmət əməkdaşlarının müşaiyəti ilə müəssisənin hüdudlarından kənarda idman, mədəni-kütləvi və digər tədbirlərdə iştirakı davam edir.

Ölkə.Az-ın verdiyi xəbərə görə, Ədliyyə Nazirliyi Penitensiar xidmətinin Tərbiyə müəssisəsində məhkum yeniyetmələrlə bağlı növbəti belə tədbir martın 17-də keçirilib.

Yeniyetmələr – Məhərrəmov Yasin, Məmmədov Fazil və Qurbanlı Zamin gəzintidən əvvəl Fəxri xiyabanda Heydər Əliyevin məzarı və Şəhidlər Xiyabanını ziyarət ediblər.

Milli Parkda gəzintidən və filmə tamaşadan sonra Tərbiyə müəssisəsinə qayıdıblar.

Ölkə.Az