Dünyanın ən böyük xonçası Sumqayıtda təqdim olundu
Sumqayıtda Novruz bayramı münasibətilə bayram tədbiri keçirilib.
Şəhərin Bayraq meydanında əsl bayram ab-havası yaşanıb. Onminlərlə şəhər sakininin toplaşdığı tədbirdə qədim adət-ənənələrimizi əks etdirən rəngarəng səhnələr qurulmuş, çadırlar quraşdırılıb.
Bu dəfəki Novruz tədbiri də maraqlı sürprizlərlə yadda qalıb. Tədbirə ilk öncə meydan tamaşası təqdim edilib. Bura nəhəng Troya atının daxil olması və döyüş səhnəsinin nümayiş etdirilməsi onminlərlə sakinin alqışlarına səbəb olub.
Ardınca müxtəlif geyimdə milli və əcnəbi personajların keçidi olub. Daha sonra Nəhəng Novruz gəmisi Sumqayıtın baş meydanına daxil oldu və hər kəsin maraqla gözlədiyi dünyanın ən böyük xonçası sumqayıtlılara təqdim edilib.
Bayram tədbiri respublikanın xalq artisti Zülfiyyə Xanbabayevanın və digər müğənnilərin iştirakı ilə baş tutan konsert proqramı ilə yekunlaşıb.
Ölkə.Az
