Ölmüş əlilin həyat yoldaşı: \"Artıq hara müraciət edəcəyimi bilmirəm\"

Ölmüş Çernobıl əlilinin həyat yoldaşı övladlarına görə narahatdır.

"Həyat yoldaşım öləndən mən heç nə edə bilmirəm. Hər şeyimi itirmiş vəziyyətdəyəm. Onların qayğıları çoxdur mən isə valideyn olaraq bunların heç birini edə bilmirəm. Artıq hara müraciət edəcəyimi də bilmirəm. Ən pis olan odur ki, mən ümumiyyətlə başqa çıxış yolu tapmıram".

Bu sözləri Ölkə.az-a şikayətçi, mərhum Çernobıl əlili Kamal Heydərovun həyat yoldaşı Kifayət Məmmədova deyib. Şikayətçi hazırda bacısının evində yaşadığını bildirir. Ayaq üstə qalmalarına tək kömək edən şəxs isə şikayətçinin bacısıdır.

"Bir neçə dəfə mediaya müraciət etdim, gəlib çəkdilər ictimailəşdi, ancaq heç bir kömək olmadı. Ona görə də daha heç bir ümidim qalmayıb. Mənim indi 61 yaşım var. Heç bilmirəm ki, ömrüm 2 övladımı rahatlamağa yetəcək, ya yox".

Xatırladaq ki, mərhum Çernobıl əlili Kamal Heydərovun Nərimanov Rayon İcra Hakimiyyətinin təqdim etdiyi mənzil növbəsi artıq tamamilə silinib.

Fatimə İbrahimova
Ölkə.az