Hüseyn Əzizoğlu: "Atamın vəfatından sonra həyat bir az çətinləşdi"

"Çalışmışam ki, həyata pozitiv bağlanım"

Ölkə.Az-ın "Tanınmamış məşhurlar" rubrikasının bu həftəki qonağı Hüseyn Əzizoğludur.

Baxışov Hüseyn Əzizoğlu: 1995-ci il noyabrın 27-də Bakı şəhərində anadan olub. Ailənin tək övladıdır. 170 sm boyu, 55 kq çəki var.

-İlk özünü təqdim et...

-Hüseyn Əzizoğlu özüm üçün elə Hüseyn

-Bəs başqaları üçün?

-Başqaları üçün isə Bin Laden

-Necə gedir həyat?

-Həyatdır da... Günümü "caps" düzəldib "vine" çəkməklə keçirirəm

-Bəzi şəxslər var ki, onlar üçün "caps" filan düzəldən kimi razborkaya çağırırlar. Gedirsən "razborka"lara?

-Adətən razborkalarımı elə "facebook" yoluyla həll edirəm bəzən də heç cavab yazmıram. Əslində, üzbəüz də gedib söhbətimi edə bilərəm, amma belə boş-boş şeylər üçün vaxt itirəcəyimi düşünürəm. Davaya, "razborkaya" qarşıyam.

-Bəs Hüseyn üçün əhəmiyyətli olan nələrdir?

-Dost, bir də pul, çünki gələcəkdə irəli gedəcək fikirlərim var. Bunun üçün də mənə küllü miqdarda pul lazımdır (gülür).

-Bu qədər gənc yaşında məşhurluğunu nəyə borclusan?

-Pozitiv, optimist biri olduğuma və hər bir mövzuya gülməli tərəfdən yanaşmağıma

-Hüseynin sevdiyi var?

-Yoxdur

-Ümumiyyətlə sevdiyi necə olmalıdır?

-Mənim kimi poziti olmalıdır, çəkdiyim "vine"da iştirak etməlidir, "caps", "photoshop" düzəltməkdə mənə ideyalar verməlidir

-Sonuncu dəfə nə barədə düşünmüsən?

-Yayda film çəkmək fikrindəyik onun ssenarisini düşünürəm hazırda.

-Xoşbəxtsən?

-Bunu deyə bilərəm ki, həyatımda bütün sevdiklərimi çox tez itirmişəm. Ən əsası da uşaq yaşında atamı. Atam rəhmətə gedəndə çox balaca idim, ondan sonra həyat bir az çətinləşdi. Çətinliklə böyüyən biriyəm, amma həmişə çalışmışam ki həyata pozitiv bağlanım. Mənə belə gəlir ki, bu məndə alınır-çox xoşbəxtəm...

-Adətən vaxtının çox hissəsini nəyə xərcləyirsən?

-Kompüter arxasında. Demək olar ki, ömrüm kompüterin qarşısında keçir. Arada bir elə gün olur ki, heç təmiz hava almaq üçün həyətə belə çıxmıram.

-Son olaraq nə demək istəyirsən?

-Arzum odur ki bizim millətdə də yumor hissi olsun.

Söhbətləşdi: Fatimə 

Ölkə.Az