Fiziki qüsurlu uşaqların Türkiyəyə səfəri təşkil olunur

"Uşaqlar valideyn və ya qəyyumu ilə gedə bilərlər"

Azərbaycan Jurnalist Qadınlar Assosiasiyası (AJQA) və “Ümidə addım” Gənclərin və Uşaqların Reablitasiya Mərkəzi İctimai Birliyi aprelin 22-də bir qrup fiziki qüsurlu uşağın Türkiyəyə səfərini təşkil edəcək.

Bu barədə Ölkə.Az-a Assosiasiyanın rəhbəri Sevil Yusifova məlumat verib.

Məlumatda bildirilir ki, səfərin əsas məqsədi azyaşlıları mütəxəssis həkimlər tərəfindən keçirilən "çekap" müayinəsinin təşkil olunmasıdır. Səfərdə iştirak edən uşaqlar həmçinin, Türkiyədə keçiriləcək 23 aprel - uşaqlar bayramında da iştirak edəcəklər.

Qeyd edək ki, bir neçə gün davam edəcək səfər zamanı uşaqlar 5 ulduzlu oteldə qalacaqlar. Onlara Bursa şəhərini gəzmək imkanı yaradılacaq.

Fürsətdən yararlanmaq istəyənlər saytımızla əlaqə saxlaya və ya AJQA-nın rəhbərliyinə müraciət edə bilərlər.

Nəzərinizə çatdıraq ki, uşaqlar valideyn və ya qəyyumu ilə gedə bilərlər.

Ölkə.az