Qubad İbadoğlu ABŞ Dövlət Departamentində bir sıra görüşlər keçirib

Martın 30-da Azərbaycan Demokratiya və Rifah (ADR) Hərəkatının sədri Qubad İbadoğlu ABŞ Dövlət Departamentində Demokratiya, İnsan Haqları və Əmək Bürosunun xarici işlər üzrə məsul əməkdaşı Vendi Silvərmanla, Qafqaz məsələləri və regional münaqişələr üzrə ofisinin Azərbaycan bölməsinin rəhbəri Cinthiya Kookla, Enerji siyasəti üzrə bölmənin əməkdaşı Haley Raysla görüşüb. 

Ölkə.Az xəbər verir ki, Vaşinqtona səfəri çərçivəsində Q. İbadoğlu Azərbaycanda keçmiş səfiri, Corc Mason Universitetinin Beynəlxalq əlaqələr, hökümət və siyasət məktəbinin professoru, Enerji araşdırmaları və siyasəti mərkəzinin direktoru Riçard Kozlarıçlə, Demokratiyanı Milli Himayə İnstitutunun prezidenti Karl Gerşmanla, Açıq Cəmiyyət Fondunun Avrasiya proqramın rəhbəri Jeff Qoldsteynlə, Demokratik aradırmalar üzrə beynəlxalq forumunun icraçı direktoru Kristofer Walkerlə, Dünya Demokratiya Hərəkatının rəhbəri Art Kaufmanla, Beynəlxalq Özəl Sahibkarlıq Mərkəzinin icraçı direktoru John Sullivam, proqram rəhbəri Lars Bonsonla, Avrasiya üzrə proqram direktoru Natalia Otel Belan və proqram direktorunun müavini David Markla, Mediaya Dəstək Beynəlxalq Mərkəzinin baş direktoru Mark Nelsonla görüşərək maraqli və faydalı müzakirələr aparıb. 

Qeyd edək ki, o, səfər çərçivəsində ABŞ-ın Avrasiya üzrə aparıcı analitiklərinin qatıldığı Freedom House hüquq müdafiə təşkilatı, Milli Demokratiyaya Dəstək Fondu və Açıq Cəmiyyət İnstitutu tərəfindən təşkil edilmiş “Azərbaycan və Türkiyədə müstəqil media və vətəndaş cəmiyyətinə qarşı repressiyalar” adlı tədbirdə iştirak edib, "Amerikasının səsi"nin Vaşinqtonda fəaliyyət göstərən Azərbaycan redaksiyasına və Fransanın məşhur "Le Monde" qəzetinə müsahibələr verib.

Ölkə.Az