Bakının bəzi yollarında sürət həddi dəyişdirildi
Bakının bəzi yollarında sürət həddi dəyişdirilib. “Azəryolservis” ASC-dən Ölkə.Az-a verilən məlumata görə, hava şəraiti nəzərə alınaraq Böyükşor-Hava limanı-Bigəh, Zığ dairəsi-Hava Limanı avtomobil yollarında təhlükəsizliyin təmin edilməsi məqsədilə hər zolaq üzrə sürət həddi 20km/saat aşağı salınıb.
Sürət həddi 120km/saatdan 100-ə, 100 km/saatdan 80-ə, 80 km/saatdan 60-a endirilib. Hava şəraiti dəyişən kimi sürət həddi yenidən əvvəlki vəziyyətə qaytarılacaq.
