Şəhid atası: “Gözümün ağı-qarası bir oğlum vardı”
Xəbər veridyimiz kimi, iyulun 12-də Ermənistan silahlı qüvvələrinin bölmələri Azərbaycan - Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək, hücuma keçməyə cəhd göstərib.
Dünəndən başlayan döyüşlərdə Azərbaycan ordusu dörd şəhid verib.
"Ölkə.Az" xəbər verir ki, Şəhid Elşad Məmmədovun atası Dönməz Məmmədov Oxu.Az-a danışıb.
O bildirib ki, oğlu ilə qürur duyur:
“Mənim oğlum qoçaq oğul idi. Ermənidən qorxan oğul deyildi. Gözümün ağı-qarası bir oğlum vardı. O da vətən yolunda şəhid oldu. Hər oğul erməni ilə döyüşə bilmir. Mən onunla qürur duyuram. Bütün şəhidlərə Allah rəhmət elısin. Vətən sağ olsun”.
Qeyd edək ki, dünən düşmən hücumunun qarşısını alarkən döyüşdə Azərbaycan Ordusunun hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu, Mahmudov Rəşad Rəşid oğlu və Daşdəmirov Xəyyam Məhəmməd oğlu şəhid olub.
