“Heydər Əliyev irsini öyrənirik” adlı intellektual yarış start götürüb

Yarışa 200-ə yaxın tələbə qatıılıb

Ölkə.Az xəbər verir ki, “Azərbaycan Respublikasının Prezidenti yanında Gənclər Fondu”nun maliyyə dəstəyilə “Heydər Əliyev irsini öyrənirik” adlı intellektual yarışa start verilib.

Bakı Dövlət Universitetində keçirilən açılış mərasimində layihə rəhbəri, VI qrant müsabiqəsinin qalibi Şəmiyev Kamil hər kəsi salamlayaraq layihənin mahiyyəti və intellektual yarışın qaydaları barədə geniş məlumat verib.

“”Heydər Əliyev irsini öyrənirik” intellektual yarış layihəsi ulu öndərimiz Heydər Əliyevin həyat və fəaliyyətini gənclər tərəfindən daha dərindən öyrənilməsi və gənclərin intellektual inkişafına xidmət etmək məqsədi daşıyır”, - deyə Şəmiyev qeyd edib.

Daha sonra yarışın birinci mərhələsi başlayıb.

Bakı şəhərinin müxtəlif ali məktəblərindən qatılmış 200-ə yaxın tələbə Heydər Əliyevin həyat və fəaliyyətini əks etdirən suallara cavab verərək biliklərini sınayıblar.

Xatırladaq ki, intellektual yarış Yasamal rayon Gənclər və İdman idarəsi, Xəzər İntellektual oyunlar klubu, BDU İntellektual oyunlar klubu, BDU Tələbə Gənclər Təşkilatı və YAP Yasamal GB ilə birgə həyata keçirilir.

Ölkə.Az