Ceyhun Osmanlı: "Papa seçiləndə mən belə olacağını təxmin edirdim"

"Bu bəyanat azərbaycanlıların, müsəlmanların, o cümlədən ədalətin tərəfində olan hər kəsin maraqlarına ziddir"

"Bilirsiniz ki, bu məsələdə elmi tarixi araşdırma etmək üçün dəfələrlə qarşılıqlı şəkildə arxivlər açılıbdır. Amma ermənilər hər dəfə bundan boyun qaçırıb. Ermənilər özü həqiqət axtarışına çıxmaq istəmədiyi halda, Papa özü ermənilərin əvəzinə bu məsələdə onların maraqlarına yaxın olmaq məqsədi daşıyıb. Bu bəyanat azərbaycanlıların, müsəlmanların, o cümlədən ədalətin tərəfində olan hər kəsin maraqlarına ziddir".

Bu sözləri Ölkə.Az-a danışan millət vəkili Ceyhun Osmanlı deyib.

"Sözün düzü Papa seçiləndə mən belə olacağını təxmin edirdim. Bilirsiniz, Papa daha öncə öz dini vəzifələrini Argentinada yerinə yetirirdi. Argentina isə ermənilərin ən çox yaşadığı bir ərazidir. Bunu öncədən ehtimal etmək olardı.

Hesab edirəm ki, bu məsələlər, bu kimi bəyanatlar bir günün işi olmur. Onlar illərlə müzakirə olunur və günün birində ortaya çıxır. Mən əminəm ki, bu məsələlər illərdir müzakirə olunur. Mən əminən bu bəyanatın erməni iş adamları dayanır.

Mən bu bəyanatı pisləyirəm və hesab edirəm ki, papa elə vəzifə sahibirdir ki, dünyada ədalət axtarışında olan insanlara kömək etməlidir. Heç olmasa onun ədalətli olması vacibdir".
Xatırladaq ki, Roma Papası Fransiskin 1915-ci il hadisələrinin ermənilərə qarşı "soyqırım" olması ilə bağlı bəyanat verib.

Fatimə İbrahimova

Ölkə.Az