Osman Gündüz: "Elektron Təhlükəsizlik Mərkəzi porno saytlarla bağlı müəyyən işlər aparmalıdır"

"Bəzi proqramların köməyi ilə evlərdə uyğun olmayan saytların açılışı qadağan edilə bilər"

"Xarici serverlərdə yerləşən porno saytların Azərbaycan ərazisində yayımlanması doğru deyil. Bu cür resursların yayılması və uşaqlar tərəfindən istifadə edilməsi yolverilməzdir".

Bu sözləri Ölkə.Az-a danışan Azərbaycan İnternet Forumunun prezidenti Osman Gündüz deyib.

"Bu bir qədər mürəkkəb məsələdir. Ümumiyyətlə, gərək hansısa resursun Azərbaycan ərazisində yayımını dayandırması ilə bağlı məhkəmə qərarı olsun.

Məhkəmənin qərarından sonra həmin saytların Azərbaycanda yayımı qadağan edilə bilər. Eyni zamanda tutaq ki, təhsil sistemində məktəblərə daxil olan internet filtrasiyadan keçir. Nəinki bu, qanunvericiliklə qadağan olunmuş saytlar təhsil sistemində, məktəblərdə açılmır.

Bu cür sistem bütün ictimai əhəmiyyət kəsb edən yerlərdə qurula bilər. Amma deyək ki, valideynlər üçün xüsusi ödənişli və ödənişsiz proqramlar var. Bu cür proqramlar köməyi ilə evlərdə uyğun olmayan saytların açılışı qadağan edilə bilər.

Düşünürəm ki, Elektron Təhlükəsizlik Mərkəzi porno saytlarla bağlı müəyyən işlər aparmalıdır".

Qeyd edək ki, statistikaya görə, dünya üzrə istifadəçilərin 70% dən çoxu gündəlik olaraq porno saytlara müraciət edir.

Ölkə.Az