"Elm - gücdür" adlı layihəyə start verildi

BDU-da gənclər elmə təşviq edilir.

Ölkə.Az xəbər verir ki, aprelin 15-i Bakı Dövlət Universitetində Tələbə Həmkarlar İttifaqı Komitəsi (THİK), AMEA-nın Gənc alim və mütəxəsislər şurası ilə birgə tələbə gənclər arasında elmə olan marağı daha da artırmaq məqsədi ilə "Elm - gücdür" layihəsi başlayıb.

Layihə çərçivəsində davamlı xarakter daşıyacaq, təbliğat xarakterli görüşlərə start verilib.

İlk olaraq AMEA-nın Geologiya və Geofizika institutunun gənc alimləri ilə universitetin Geologiya fakültəsinin tələbələrinin görüşü təşkil olunub.

Tədbiri giriş sözü ilə açan BDU THİK sədri, hüquq üzrə fəlsəfə doktoru Daşqın Qənbərov başlanan layihənin əhəmiyyətindən danışaraq, Azərbaycan elminin gələcək inkişafında gəncləri yaxından iştirak etməyə dəvət edib. O bildirib ki, bunun üçün ölkədə çox münbit şərait yaradılıb.

AMEA gənc alim və mütəxəssislər şurasının sədri, fizika üzrə fəlsəfə doktoru Famil Salmanov da bu görüşlərin gənclərin müvafiq sahə üzrə, ixtisaslarına uyğun olaraq bilmədikləri məsələləri, problemləri öyrənməsi prosesindəə böyük əhəmiyyət kəsb edəcək.

Geologiya və Geofizika instutunun aparıcı elmi işçisi, 2013-cü ildə Gənclər üçün Prezident Mükafatının laureatı, geologiya-mineralogiya üzrə fəlsəfə doktoru Rafiq Səfərov təmsil etdiyi institutda apardığı tədqiqatlarla bağlı slayd şou nümayiş etdirib.

Tədbir tələbələrin sualların cavablandırılması ilə yekunlaşıb.