Həftənin icmalı
Erməni kəşfiyyatçı Azərbaycana nə üçün gəldiyini
Arsen Baqdasaryan məhkəmədə minaları basdırmaq barədə komandirindən tapşırıq aldığını açıqlayıb
Bu gün Gəncə Ağır Cinayətlər Məhkəməsində ötən il dekabrın 26-da cəbhənin Ağdam rayonu istiqamətində qoşunların təmas xəttini keçən erməni kəşfiyyatçı Baqdasaryan Arsen Eduardoviçin cinayət işi üzrə məhkəmə baxışı davam etdirilib.
Hakim Elbəy Allahverdiyevin sədrlik etdiyi prosesdə zərərçəkənlər və şahidlər ifadə verib.
Arsen Baqdasaryan məhkəmədə verdiyi ifadəsində Azərbaycan hərbçiləri tərəfindən saxlanılan zaman öncə özünü Vazgen Qriqoryan kimi təqdim etdiyini deyib.
Pasxa Bayramı münasibəti ilə ziyafət təşkil edilib
Aprelin 17-də Qaradağ Rayon İcra Hakimiyyəti Müqəddəs Pasxa bayramı münasibəti ilə slavyanəsilli sakinlər üçün ziyafət təşkil edib.
Ziyafət Lökbatan qəsəbəsindəki “Qaradağ” şadlıq sarayında keçirilib.
Tədbirdə Qaradağ Rayon İcra Hakimiyyəti başçısının müavini Təranə İsmayılova, Azərbaycan Rus icmasının sədri, Milli Məclisin üzvü Mixail Zabelin, YAP Qaradağ rayon təşkilatının sədri Aydın Hüseynov, Rusiya Federasiyanın Azərbaycan Respublikasındakı səfirliyinin əməkdaşı Aleksandr Qlatkov, Bakıdakı Rus Provaslav kilsəsinin baş keşişi Dolinin Protoevey Antonii və digər dəvət olunanlar iştirak ediblər.
Səhiyyə Nazirliyi 164 sahibkarı cərimələdi
Bu il yanvar-mart ayları ərzində Azərbaycanın sanitariya-epidemioloji xidmət orqanları tərəfindən yeyinti sahəsində işləyən 164 sahibkar inzibati qaydada cərimələnib.
Azərbaycan Səhiyyə Nazirliyi Respublika Gigiyena və Epidemiologiya Mərkəzindən (RGEM) Trend-ə verilən məlumata görə, sahibkarlar yeyinti məhsullarının istehsalı, satışı, saxlanması və daşınması zamanı sanitariya norma və qaydalarının tələblərini pozduğu, laboratoriya müayinələri gigiyenik normalara cavab verməyən məhsullar istehsal etdikləri üçün cərimələniblər. Bu müddətdə 4 nəfər barədə materiallar inzibati orqanlara verilib.
Ramiz Rzayev Ali Məhkəmənin sədri təyin olundu
Prezident sərəncam imzalayıb.
Ramiz Rzayev Azərbaycan Respublikası Ali Məhkəməsinin sədri təyin edilib.
Ölkə.Az president.az-a stinadən xəbər verir ki, prezident İlham Əliyev aprelin 20-də Ramiz Yaqub oğlu Rzayevin Azərbaycan Respublikası Ali Məhkəməsinin sədri təyin edilməsi haqqında sərəncam imzalayıb.
Anar Nəcəfliyə vəzifə verildi
“Azəryolservis” ASC-də kadr dəyişikliyi baş verib.
Ölkə.Az Apa-ya istinadən bildirir ki, ASC-nin Mətbuat Katibliyinin rəisi Pünhan Mürsəliyev tutduğu vəzifədən azad olunub. P. Mürsəliyevin yerinə tanınmış jurnalist Anar Nəcəfli təyin olunub.
A. Nəcəfli faktı təsdiqləyib.
O əlavə edib ki, öz vəzifəsinin icrasına bu gündən etibarən başlayıb.
İlham Əliyev Moskvada parada gedəcək
Azərbaycan Prezidenti İlham Əliyev Moskvada keçiriləcək Böyük Vətən müharibəsində Qələbənin 70 illiyinə həsr olunmuş hərbi paradda və bayram tədbirlərində iştirak edəcək.
Ölkə.Az xəbər verir ki, bu barədə APA-nın “Prezident İlham Əliyev Qələbə günü ilə bağlı Moskvada keçiriləcək tədbirlərdə iştirak edəcəkmi” sualına cavabında Azərbaycan Respublikası Prezidentinin mətbuat katibi Azər Qasımov bildirib.
Ermənilərin öldürdüyü futbolçumuz dəfn olundu
Ermənilər tərəfindən Rusiyanın Yekaterinburq şəhərində qətlə yetirilən 27 yaşlı azərbaycanlı futbolçu Emil Hüseynovun meyiti Azərbaycana gətirilib.
Ölkə.Az xəbər verir ki, Ümumrusiya Azərbaycan Konqresinin Sverdlovsk Vilayəti üzrə regional bölməsinin sədri Şahin Şıxlinski APA-ya açıqlamasında bildirib ki, Hüseynovun meyiti ötən axşam Bakıya, sonra isə Gəncəyə aparılıb.
Hüseynov bu gün Qazax rayonunun Fərəhli kəndində dəfn olunub.
İcra Hakimiyyətindən "Sovetski"nin ərəblərə verilməsi ilə bağlı — AÇIQLAMA
Bakı Şəhəri İcra Hakimiyyəti (BŞİH) Bakının “Sovetski” kimi tanınan ərazisinin ərəb iş adamlarına icarəyə verilməsi barədə yayılan məlumatlara münasibət bildirib.
BŞİH-nin mətbuat xidmətindən APA-nın sorğusuna cavab olaraq bildirilib ki, yayılan məlumatlar əsassızdır və şayiədir: “Sovetski”nin ərəblərə icarəyə verilməsi haqqında yayılan məlumatlar əsassızdır”.
Qeyd edək ki, bu yaxınlarda bəzi mətbuat orqanlarında ərəb iş adamlarının “Sovetski”ni 99 il müddətinə icarəyə götürdüyü, ərazi boşaldıldıqdan sonra orada otellər, restoranlar, əyləncə və istirahət mərkəzlərinin tikiləcəyi barədə məlumatlar yayılıb.
Azərbaycanda ən çox korrupsiya faktı aşkarlanan qurumlar — SİYAHI
39 cinayət işi bir çox sahəni əhatə edib.
Azərbaycanda ən çox korrupsiya faktı aşkarlanan qurumların adları açıqlanıb.
Ölkə.Az xəbər verir ki, Apa-nın məlumatına görə, 2015-ci ilin birinci rübünün yekunlarına həsr olunmuş mətbuat konfransında Baş prokuror yanında Korrupsiyaya Qarşı Mübarizə Baş İdarəsinin rəisi Kamran Əliyev bildirib ki, Baş İdarə tərəfindən bu ilin birinci rübündə istintaqı tamamlanaraq məhkəməyə göndərilən 39 cinayət işi bir çox sahəni əhatə edib.
Həmin cinayət işlərinin 14-ü özəl sektor, 4-ü icra hakimiyyətləri, 2-si təhsil, 2-si bələdiyyə, 1-i səfərbərlik xidməti, 3-ü bank sektoru, digərləri isə sosial sahə ilə bağlı olub.
"Ermәnilәrin Azәrbaycanda törәtdiyi cinayәtlərdən 32-nin istintaqı yekunlaşıb"
"Beynәlxalq terrorizmdәn әn çox әziyyәt çәkәn ölkәlәrdәn biri kimi Azәrbaycan Beynәlxalq terrorizmә qarşı koalisiyaya qoşulub vә töhfәlәrini verib".
Ölkə.Az-ın Apa-ya istinadən mәlumatına görә, bunu baş prokurorun birinci müavini Rüstәm Usubov Oleq Kuznetsovun "XX yüzillikdә transmilli ermәni terrorunun tarixi" adlı kitabının tәqdimatı zamanı deyib.
R. Usubov deyib ki, Azәrbaycan prezidenti İlham Әliyev 23 may 2007-ci il tarixdә tәsdiqlәdiyi Azәrbaycan Respublikası Milli Tәhlükәsizlik Konsepsiyasında әhaliyә qarşı terror hadisәlәri milli tәhlükәsizliyә tәhdid kimiq qәbul edilib:
İntiqam Əliyev 7 il yarım müddətinə azadlıqdan məhrum edildi
Bu gün Bakı Ağır Cinayətlər Məhkəməsində “Hüquq Maarifçiliyi Cəmiyyəti”nin rəhbəri İntiqam Əliyevin cinayət işi üzrə keçirilən məhkəmə prosesində ona hökm oxunub.
Hakim Rasim Sadıqovun sədrliyi ilə keçirilən prosesdə əvvəlcə İ.Əliyev son söz hüququ ilə çıxış edərək özünü irəli sürülən ittihamların heç biri üzrə təqsirli bilmədiyini deyib.
Hakim R.Osmanovun sonda oxuduğu hökmə əsasən, “Hüquq Maarifçiliyi Cəmiyyəti”nin rəhbəri İ.Əliyev 3 il müddətinə dövlət və özünü idarəetmə orqanlarında təşkilati-sərəncamverici və inzibati-təsərrüfat funksiyalarının yerinə yetirilməsi ilə əlaqədar rəhbər vəzifələr tutmaq hüquqlarından məhrum edilməklə və 7 il 6 ay müddətinə azadlıqdan məhrum edilib.
Azərbaycanda tikintiyə icazə verilmə qaydaları dəyişdirilir
Azərbaycanda tikintiyə icazə verilməsinin ümumi qaydaları dəyişdirilir. Milli Məclisdən verilən məlumata görə, bu barədə məsələ parlamentin aprelin 28-də keçiriləcək növbəti plenar iclasının gündəliyinə daxil edilən Şəhərsalma və Tikinti Məcəlləsinə dəyişiklikdə öz əksini tapıb.
Tofiq Yaqublunun qızı dünyasını dəyişdi
Müsavat Partiyasının həbsdə olan sədr müavini Tofiq Yaqublunun qızı Nərgiz Yaqublu vəfat edib.
Bu barədə sosial şəbəkələrdə məlumat yayılıb.
Nərgiz Yaqublunun səhhəti bir müddət öncə kəskinləşmişdi. O, xaricdə müalicə olunurdu.
Ərdoğan: Çanaqqala şəhidləri arasında Bakı və Tbilisidən olanlar da var
Türkiyə Prezidenti Rəcəb Tayyib Ərdoğan Çanaqqala zəfərinin türk tarixinin ən şanlı səhifəsi olduğunu bildirib.
O, qeyd edib: "Çanaqqala şəhidlərini ziyarət etsəniz, onların arasında Bakı, Tbilisi, ümumiyyətlə, bütün Qafqazdan olanları da görəcəksiniz".
Xatırladaq ki, Çanaqqala zəfərinin 100-cü ildönümü aprelin 24-də qeyd olunacaq.
Bu mağazalardan mal almayın — SİYAHI
Dövlət Xidməti nəzarət tədbirlərini davam etdirir.
İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı aşağıda adı verilən mağazalarda saxlama müddəti ötmüş malların satıldığı aşkarlanıb:
Bakının Suraxanı rayonunda
- Bülbülə qəsəbəsi, S.Əliyev küçəsində Bəxtiyar İmanova məxsus mağazada saxlama müddəti ötmüş və normativ-texniki sənədlərin tələblərinə uyğun olmayan malların;
Nizami rayonunda
- R.Rüstəmov küçəsi, 27 ünvanında Nəsibə Dağıstanlıya məxsus “Antep Lahmacun” kafesində;
Suraxanı rayonunda
- Bülbülə qəsəbəsi, S.Bəhlulzadə küçəsi, 1 ünvanında “Bül-Bülə” şadlıq evində;
Nəsimi rayonunda
- E.Tağızadə küçəsi, 46 ünvanında Salaməddin Bağışova məxsus mağazada;
Hacıqabul rayonunda
- Muğan qəsəbəsində Xəlil İsmayılova məxsus mağazada normativ-texniki sənədlərin tələblərinə uyğun olmayan malların;
Bakının Nərimanov rayonunda
- C.Hacıbəyli küçəsində Kamalə Qazıyevaya məxsus mağazada;
Xətai rayonunda
- M.Hadi küçəsində, 136A ünvanında İslam Mənsimova məxsus mağazada;
Nizami rayonunda
- Y.Səfərov küçəsi, 19 ünvanında Sevinc Mahmudovaya məxsus mağazada;
- Keşlə qəsəbəsi, N.Abdullayev küçəsi, 4/31 ünvanında Reyhan Həsənovaya məxsus mağazada;
Abşeron rayonunda
- Xırdalan şəhərində Rəşad Ağayevə, Adil Hüseynova və Çingiz Ağasəfova məxsus mağazalarda;
Gəncə şəhərində
- Xətai prospekti, 102 ünvanında Vüqar İsayevə məxsus mağazada;
- N.Nərimanov prospektində Vüsal Hüseynova məxsus mağazada;
Qazax rayonunda
- Qarapapaq kəndində Səbuhi Məmmədova məxsus mağazada;
Kürdəmir şəhərində
- Bakı prospektində Nizami Baxşıyevə məxsus mağazada;
Hacıqabul şəhərində
- M.Müşfiq küçəsində Fuad Abasova məxsus mağazada;
Bərdə şəhərində
- Nizami küçəsində Tanrıverdi İbişova məxsus mağazada;
Quba şəhərində
- H.Əliyev prospektində Zaur Xəlilova məxsus mağazada;
- 32/33-cü məhəllədə Adil Kərimova məxsus mağazada;
Xaçmaz rayonunda
- Arzu qəsəbəsində Aqil Qaflanova məxsus mağazada;
Qobustan şəhərində
- Qobustan şəhərində Asəf Əzizova məxsus mağazada;
Masallı rayonunda
- Bədəlan kəndində Tural Şəfəqqətova məxsus mağazada;
Qax şəhərində
- İ.Mustafayev küçəsində Oqtay Məmmədova məxsus mağazada;
Qəbələ şəhərində
- Nəsimi küçəsində Nurlan Zəkəriyəyevə məxsus mağazada;
Ağdam rayonunda
- Baharlı qəsəbəsində Zamin Mirzalyevə məxsus mağazada
Azərbaycanda çox mühüm layihə
Fransanın “Areva” şirkəti Azərbaycanın “Milli Nüvə Tədqiqatları Mərkəzi” QSC üçün tədqiqat nüvə reaktorunun inşa edilməsi ilə bağlı texniki-iqtisadi əsasnamə hazırlayıb.
Bu barədə Rabitə və Yüksək Texnologiyalar Nazirliyindən bildirilib.
Nazirlikdən qeyd ediblər ki, texniki-iqtisadi əsasnamə Beynəlxalq Atom Enerjisi Agentliyinin müzakirəsinə təqdim olunub.
Saziş və təhlükəsizliklə bağlı məsələlərin uğurla həllini tapacağı təqdirdə, layihənin reallaşdırılması üzrə işlər 2016-cı ilə qədər başlaya bilər.
Tofiq Yaqublu azadlıqda
Vəkil Nemət Kərimli: “Rəsmi qaydada icazə verilib”
Müsavat başqanının həbsdəki müavini Tofiq Yaqublu qızı Nərgiz Yaqublunun vaxtsız vəfatı ilə əlaqədar 7 günlüyə azadlığa buraxılacaq. Vicdan məhbusunun yaxın saatlarda azad olunacağı gözlənilir.
Dərmanların qiyməti ilə bağlı yeni qərar — İMZALANDI
Nazirlər Kabineti məlumat yayıb.
Azərbaycanın Nazirlər Kabineti “Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı”nda dəyişiklik edib.
Ölkə.Az Oxu.az-a istinadən xəbər verir ki, Milli Məclis tərəfindən 16 dekabr 2014-cü ildə qəbul edilmiş “Dərman vasitələri haqqında” qanuna dəyişikliklərə əsasən, bundan sonra “Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı”na dərman vasitələrinin ekspertiza xidmətləri, dövlət qeydiyyatına alınmış dərman vasitələri də daxil edilib.
Beləliklə, bundan sonra ölkədə dərman vasitələrinin ekspertiza xidmətləri, dövlətin qeydiyyata aldığı dərman vasitələrinin qiymətlərini Tarif Şurası müəyyənləşdirə biləcək.
Zərifə Əliyevanın anadan olmasının 92-ci ildönümü qeyd edildi
Nərimanov rayonunda oftalmoloq alim, akademik Zərifə Əliyevanın anadan olmasının 92-ci ildönümü qeyd edilib.
Tədbirin Zərifə Əliyevanın xatirəsi bir dəqiqəlik sükutla yad edilib. Milli Məclisin deputatı Jalə Əliyeva, Nərimanov Rayon İcra Hakimiyyəti başçısının müavini İradə Mahmudova, ziyalıların, rayon ictimaiyyətinin, fəal gənclərin qatıldığı tədbiri giriş sözü ilə açan Yeni Azərbaycan Partiyasının Nərimanov rayon Qadınlar Şurasının sədri Məhəbbət İbrahimova oftalmoloq alim, akademik Zərifə xanım Əliyevanın ömür yolundan danışıb.
Daha sonra çıxış edən Milli Məclisin deputatı Jalə Əliyeva vurğulayıb ki, tibbin mühüm sahəsi olan oftalmologiya elmi sahəsində uzun illər dəyərli tədqiqatlar aparan, intellektual səviyyəsi, özünəməxsus tədqiqatçılıq məharəti, qələminin qüdrəti ilə elmin ən uca mərtəbələrini fəth edən Zərifə Əliyeva görkəmli alim, müəllim, ictimai proseslərdə fəal Azərbaycan qadını kimi milli elm tarixinə möhürünü vurub.
İrana gediş-gəlişə məhdudiyyət yoxdur
Dövlət Gömrük Komitəsinin sədri Aydın Əliyev son günlər bəzi KİV-lərdə Azərbaycandan İrana gediş-gəlişə məhdudiyyət qoyulması barədə dərc olunan yazılara münasibət bildirib.
Ölkə.Az APA-ya istinadən xəbər verir ki, komitə sədri iki ölkə arasındakı gömrük-keçid məntəqələrində buraxılışla bağlı heç bir məhdudiyyət olmadığını bildirib.
Azərbaycan qonşu ölkələrdən daha xoşbəxtdir — BMT
2015-ci il üzrə dünya ölkələrin növbəti xoşbəxtlik indeksi açıqlanıb.
Ölkə.Az azadlıq.org-a istinadən xəbər verir ki, BMT-nin “Davamlı inkişaf həlli şəbəkəsi”nin aprelin 23-də yaydığı Dünya Xöşbəxtlik esabatına görə, Azərbaycan 158 ölkə arasında 80-ci yerdə gəlir. Azərbaycan bu hesabatda qonşuları Gürcüstan, Ermənistan və İranı qabaqlayıb. İran siyahıda 110-cu, Gürcüstan 130-cu, Ermənistan isə 127-ci yerdə gəlir.
Türkiyə isə 76-cı yeri tutur. Keçmiş Sovet respublikalarından olan Özbəkistan siyahıda 44, Moldova 52, Qazaxıstan 54, Belarus 59, Rusiya 64,Türkmənistan 70, Qırğızıstan 77,Tacikistan 106, Ukrayna isə 111-ci yerdə gəlir.
Hesabata görə, 2015-ci ildə dünyada ən xoşbəxt ölkə İsveçrədir.
Siyahıda ilk 10-luğa İsveçrə , İslandiya, Danimarka, Norveç,Kanada Finlandiya, Niderland,İsveç Yeni zelandiya və Avstraliya daxildir.
Siyahının sonunda isə Ruanda, Benin,Suriya,Burindi və Toqo gəlir.
Araşdırma BMT-nin rəhbərliyi ilə Kolumbiya Universitetində fəaliyyət göstərən “Yer İnstitutu” tərəfindən aparılıb. Məqsəd dünya ölkələri və region sakinlərinin xoşbəxt həyatını təmin etmək üçün onların nailiyyətlərini göstərməkdir. Burda əsasən ölkələrin iqtisadi, siyasi, sosial, səhiyyə və digər sahələrdə inkişafı əks olunur.
Ölkə.az
