Bakıda 2 daş karxanasının fəaliyyəti dayandırıldı

Bakının Qaradağ rayonunda yerləşən, mişar daşlarının istehsal olunduğu (daş karxanaları) “Ozan” kiçik müəssisəsi və İ.N.Ə MMC –nin fəaliyyəti dayandırlıb.

Bu barədə Əmək və Əhalinin Sosial Müdafiəsi Nazirliyindən(ƏƏSMN) məlumat verilib.

Nazirliyin məlumatına görə, adıçəkilən müəssisələrdə istehsalat qəzalarının qarşısının alınması üçün heç bir profilaktiki tədbirlər də görülməyib.

Eyni zamanda, müəssisədə çalışanların böyük əksəriyyəti ilə əmək münasibətlərinin rəsmiləşdirilmədiyi, onların qeyri-leqal əmək fəaliyyətinə cəlb edildikləri, normal əmək və istirahət rejiminə, əməyin ödənilməsi normalarına riayət edilmədiyi də müəyyən olunub.

Məlumat üçün bildirək ki, cari ilin yanvar ayında nazirlik tərəfindən bu müəssisənin işəgötürəninə də rəsmi məktubla müraciət edilərək, əməyin mühafizəsi sahəsində mövcud nöqsanların aradan qaldırılması, işçilər üçün sağlam sanitariya-gigiyena şəraitinin yaradılması, işçilərin pulsuz olaraq fərdi mühafizə vasitələri ilə təmin olunması barədə icrası məcburi olan göstərişlər verilmişdi.

Ölkə.Az