Bəzi yollarda nəqliyyatın hərəkəti məhdudlaşdırılacaq

Bakıda keçiriləcək idman yarışları ilə əlaqədar bəzi yollar nəqliyyatın hərəkəti üçün bağlanacaq.

Baş Dövlət Yol Polisi İdarəsindən verilən məlumata görə, triatlon üzrə idman yarışlarının keçirilməsi ilə əlaqədar 2 may 2015-ci il tarixdə saat 05:00-dan 17:30-dək müddətdə Mərdəkan-Bilgəh-Novxanı-Sumqayıt yaşayış məntəqələrini birləşdirən Bakı Dairəvi Yolunun Bilgəh qəsəbəsindən Nardaran qəsəbəsinədək olan hissəsində nəqliyyat vasitələrinin hərəkəti məhdudlaşdırılacaq.
Qeyd olunan vaxt ərzində şəhər mərkəzi və Mərdəkan qəsəbəsi istiqamətdə hərəkət üçün sürücülərə Buzovna-Maştağa-Nardaran yolundan istifadə etmələri tövsiyə olunur.

Ölkə.Az