“National Geographic Kids” jurnalının növbəti təqdimatı keçirildi

“National Geographic Kids” jurnalı orta təhsil müəssisələrində şagird və müəllim heyətlərini məlumatlandırmaq məqsədilə keçirdiyi təqdimatları davam etdirir.

Jurnalın növbəti təqdimatı Bakı şəhəri 287 saylı “Zəkalar” liseyində keçirildi. Təqdimatda III-VII sinif şagirdləri və məktəbin müəllimləri iştirak etdilər.

6-14 yaşlı uşaqlar üçün nəzərdə tutulmuş dünyaca məhşur bu jurnalın Azərbaycanda da nəşr olunması məktəblilər tərəfindən hədsiz sevinc və maraqla qarşılandı. “National Geographic Kids” jurnalının redaktoru Könül Nəsibova jurnal barədə ətraflı məlumat verməklə yanaşı, müəllim və şagirdlərin çoxsaylı suallarını cavablandıraraq onlara dərginin nüsxələrini təqdim etdi. Jurnalın təşkil etdiyi müsabiqələr şagirdlərin böyük marağına və fəallığına səbəb oldu.

Qeyd edək ki, “National Geographic Kids” jurnalı Garant Media Holding tərəfindən nəşr olunur. Jurnala abunə olmaq üçün (012) 563 56 25 nömrəsi ilə əlaqə saxlaya bilərsiniz.oxu.az

Ölkə.Az