Öldürülən Aytacın İzzətlə birgə fotoları yayıldı

Xəbər verdiyimiz kimi, Bakıda 20 yaşlı gənc, məktəbli qızı öldürüb. Hadisə Bəhruz Nuriyev küçəsi, 81 ünvanında qeydə alınıb. Qətl hadisəsinin bəzi təfərrüatları məlum olub.

Ölkə.Az xəbər verir ki, Aytac Babayeva ilə onu qətlə yetirən İzzət Hüseynovun fotoları yayılıb.

İzzət ilkin ifadəsində bildirib ki, Aytac Babayevanı sevsə də, ailəsi qızı dayısı oğlu ilə evləndirmək niyyətində imiş. 20 yaşlı gəncin sözlərinə görə, Aytac Babayevanı "ondan başqasına qismət olmaması" üçün öldürüb. Bəziləri İzzətlə Aytacın ümumiyyətlə sevgili olmadıqlarını iddia etsə də, yayılan fotolar bunun əksini sübüt edib.

“Dörd ay on iki gün idi ki, ayrılmışdıq. Qala bilmirdim onsuz", - deyə İzzət ifadəsində qeyd edib.

Xatırladaq ki, Gürcüstan Respublikasının vətəndaşı, 1995-ci il təvəllüdlü İzzət Natiq oğlu Hüseynov aralarında yaranan münaqişə zəminində sevdiyi qızı - 1998-ci il təvəllüdlü Aytac Nazim qızı Babayevanı bıçaqlayaraq qətlə yetirib.

Ölkə.Az