Bakıda yol təhlükəsizliyi gecəsi

10 000 nəfərə “brilliant” paylanıldı.

Mayın 3-də “Addım” Gənclər Təşkilatı, Nəqliyyat Nazirliyi Nəqliyyatı İntellektual İdarəetmə Mərkəzi, Norveç Krallığının Azərbaycandakı rəsmi səfirliyi, AVTO FM və Park Bulvar AVM-in dəstəyi ilə hazırladığı “Yol Təhlükəsizliyi” layihəsinin yekun tədbirini keçirdi.

Ölkə.Az Oxu.az-a istinadən xəbər verir ki, layihənin məqsədi məqsədi Azərbancan Gənclərini və ümumilikdə cəmiyyətimizi yol təhlükəsizlik qaydaları haqqında məlumatlandırmaq, yol qəzalarının ağır nəticələrini göz önünə gətirməklə daha çox insanların yol təhlükəsizliyi məsələrinə həsas yanaşmasına nail olmaqdan ibarətdir.

Layihə “Biz sizə Brilliant verəcəyik” şüarı altında həyata keçirilirdi və layihənin siması isə xalq artisti Brilliant Dadaşova idi. Səhnə və tədbir məkanı Brilliant xanımın layihə üçün hazırlanan posterlərı ilə bəzədilmişdi. Layihə çərçivəsində “Yol Təhlükəsizliyi”ilə bağlı creativ geyimlər müsabiqəsinə qatılan 78 gənc modelyerdən dörd nəfəri - Zamiq Cəfərli, Rufanə Rufullazadə, Nərmin Hümbətova, Nurbəniz Mərdiyeva diplomlar və hədiyyələrlə təlhif olundu.

Layihənin ssenari müsabiqəsinin qalibi isə Fuad Rəsulzadə oldu. Tədbirdə “Addım” Gənclər Təşkilatın rəhbəri Hüseyn Cavadzadə, Nəqliyyatın İntelektual İdarəetməsi Mərkəzinin nümayəndəsi Şəfa Mehmanqızı, Norveç krallığının Azərbaycandakı səfirliyinin nümayəndəsi Kerstin Valberg ,Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov, Park Bulvar AVM-in nümayəndəsi Günay Malikqızı layihə haqqında ətraflı məlumat veriblər.

Tədbir müddətində ADDIM təşkilatın könüllü komandası iştirakçılara, qonaqlara yol təhlükəsizliyinin simvolu olaraq 10 000 nəfərə “brilliant şəkilli” reflektorlar payladı.

Gecədə layihənin siması olan xalq artisti Brilliant Dadaşovanın musiqili çıxışı alqışlarla qarşılandı.

Ölkə.Az