TQDK səyyar sənəd qəbulu komissiyaları yaradır

Abituriyentlər öz ərizələrini yaşadıqları rayonda təsdiq elətdirə biləcəklər.

TQDK tərəfindən səyyar sənəd qəbulu komissiyaları yaradılacaq.

Ölkə.Az xəbər verir ki, TQDK (Tələbə Qəbulu üzrə Dövlət Komissiyası) ümumi orta təhsil bazasında (9 illik) orta ixtisas təhsili müəssisələrinə elektron ərizə təqdim edən və həmin ərizələrini sənəd qəbulu komissiyalarında (SQK) təsdiq etdirməli olan abituriyentlərin rahatlığını təmin etmək və onların vaxtlarına və vəsaitlərinə qənaət olunması üçün səyyar SQK-lar yaradacaq.

Məlumata əsasən, respublikanın müxtəlif bölgələrində yerləşən regional bölmələrin (Gəncə, Xaçmaz, Şəki, Lənkəran, Şirvan, Göyçay, Ağcabədi və Naxçıvan) əhatə etdiyi rayonların hər birində bir gün olmaqla səyyar SQK-lar fəaliyyət göstərəcək.

Bunun nəticəsində ərizələrini SQK-larda təsdiq etdirməli olan abituriyentlər öz ərizələrini yaşadıqları rayonda yaradılacaq səyyar SQK-da təsdiq elətdirə biləcəklər.

Ölkə.Az