Bakı - kontrastlar şəhəri

İnsan öz şəhərinin, yaşadığı məkanın, qəsəbənin və ya məhəllənin qədrini başqa bir yerə səyahət edərkən daha yaxşı bilməyə, üstün və çatışmayan cəhətlərini daha yaxşı başa düşməyə başlayır.

Bu yaxınlarda getdiyim Tiflis səyahətindən sonra Bakının gözümüzün önündə bir şedevr kimi yatdığının fərqinə vardım. Memarlıq üslubu, şəhərin relyefi, qədim zamanla müasirliyin qarışığından yaranmış bir mənzərənin ovsunlayıcı gözəlliyini sanki yenicə kəşf etdim.

Bazar günü şəhər gəzintisi zamanı diqqətimi çəkən Bakı mənzərələrinin hamısını telefonumun kamerası ilə yaddaşa həkk edərək sizlərlə bölüşmək qərarına gəldim. Heç bir cəhətdən dünyanın heç bir şəhərinə güzəştə getməyən Bakı sözün əsl mənasında qədrini bilmədiyimiz bir şedevrdir. Gəzdiyim heç bir şəhərdə görmədiyim bu gözəlliyi fotoreportajı izləyən kimi özünüz də görəcəksiniz.

Fotosunu çəkdiyim bütün binalar tarixdir. Onları sökmək vandallıq olardı. Bu tikililərin böyük diqqətlə restavrasiya olunaraq qorunması milli irsimizin qorunması deməkdir. Gəlin birlikdə Baklının köhnə hissəsinə, kiçik bir hissəsinə səyahətə çıxaq. Səyahətimiz 28 may, Dilarə Əliyeva, Səməd Vurğun küçələri və Azadllıq prospektini əhatə edir....

Baş redaktordan
Ölkə.az