Çingiz Abdullayev tələbələrlə görüşdü
BDU-da Çingiz Abdullayevlə görüş keçirilib.
Ölkə.Az xəbər verir ki, 5 may tarixində Bakı Dövlət Universitetində Filologiya fakültəsi üzrə Tələbə Həmkarlar Təşkilatının təşkilatçılığı ilə məşhur yazıçı publisist Çingiz Abdullayevin tələbələrlə görüşü keçirilib.
Tədbirdə universitet ictimaiyyəti və müxtəlif fakültə tələbələri iştirak ediblər.
Görüşün əsas məqsədi tələbələrin mütaliə vərdişlərini inkişaf etdirmək, bədii ədəbiyyata marağını artırmaq və bu vasitə ilə gənclərin ümumi dünyagörüşü, intellektual səviyyəsinin yüksəlməsinə nail olmaqdır. Çıxış edən Çingiz Abdullayev tələbələri bədii ədəbiyyat oxumağa dəvət edib.
Tədbirdə 300-dən çox tələbə iştirak edib. Yazıçı tələbələrin maraqlı suallarını cavablandırıb. Bundan əlavə Çingiz Abdullayevin oxucularına kitablarını imzalatdırmak imkanı verilib.
Ölkə.Az
