Nepaldan təxliyyə olunmuş ukraynalılar Azərbaycandadır

Nepaldan ukraynalıları təxliyyə etmiş təyyarə Dehlidən Bakıya uçub.

Ölkə.Az xəbər verir ki, bu barədə Ukraynanın Fövqəladə hallar üzrə Dövlət Xidmətinin mətbuat xidməti məlumat yayıb.

“Mayın 6-da saat 06:35-də Ukrayna Müdafiə Nazirliyinin İl-79 təyyarəsi Hindistanın paytaxtı Dehlidən Azərbaycan paytaxtı Bakı şəhərinə uçub. Təyyarə Bakıda yanacaqla təmin olunacaq və Ukraynaya yolunu davam etdirəcək”, - məlumatda deyilir.

Gözlənilir ki, Ukrayna təyyarəsi Bakıda pilotların dincəlməsi üçün 12 saat qalacaq.

Ukrayna XİN-nin məlumatına əsasən, təxliyyə olunmuş şəxslərin sayı 87 nəfərdir ki, onların da 76-sı Ukrayna və 11-i digər dövlətlərin vətəndaşlarıdır.

XİN-in öncə bildirdiyinə görə, təyyarənin mayın 6-da ölkəyə gəlməsi gözlənilir.

Ölkə.Az