2 mindən çox Vyetnam vətəndaşı Azərbaycanda təhsil alıb

2 mindən çox Vyetnamlı vətəndaşı Azərbaycanda təhsil alıb.

Bu sözləri Təhsil Naziri Mikayıl Cabbarov Azərbaycan-Vyetnam Dostluq Forumuda bildirib.

“Ötən əsrin 70-80-ci illərində Azərbaycanın ali məktəblərindən məzun olmuş Viyetnamlı dostlarımızı görmək bizim üçün sevindirici haldır. Əminəm ki, uzun illər sonra tələbəlik illlərinizin keçdiyi Bakıya səfər sizdə xoş nostalji hisslər yaradıb” - deyə, nazir əlavə edib.

Öz növbəsində, Vyetnam Parlamentinin Xarici Əlaqələr Komitəsinin sədr müavini Ngo Due Manh isə çıxışında forumun tarixi bir hadisə olduğunu vurğulayıb. O, qeyd edib ki, Azərbaycan və Vyetnam arasında əməkdaşlıq potensialları çox genişdir:

“Təsadüfi deyil ki, bu tədbir Azərbaycan prezidenti cənab İlham Əliyevin təşəbbüsü ilə həyata keçirilir. Qeyd etmək istəyirəm ki, mən özüm də Azərbaycanda təhsil almışam və 70-80-ci illərdə Bakıda təhsil alan vyetnamlı tələbələr indi Vyentamın ictimai-siyasi həyatında fəal iştirak edirlər.

Biz Vyetnam xalqı olaraq, ən ağrı dövrlərimizdə Azərbaycanın dəstəyini unutmuruq. Bu dəstəyin yaranmasında hər iki ölkənin liderinin rolu böyük olub.

Mən həm də hesab edirəm ki, bizim dövlətlərimiz arasında əməkdaşlıq potensialları genişdir və bu potensialdan tam istifadə etmək lazımdır. Biz Azərbaycanla iqtisadi, sosial, təhsil və digər sahələrdə yaxın əməkdaşlıqda maraqlıyıq və hesab edirəm ki, bu forum əməkdaşlığa öz töhfəsini verəcək”.

Qeyd edək ki, bu gün Bakıda ADA Universitetində Azərbaycan-Vyetnam Dostluq Forumu keçirilib.

Ölkə.Az