İlham Əliyev Kralı təbrik etdi

Azərbaycan prezidenti İlham Əliyev İspaniya Krallığının milli bayramı münasibətilə Kral VI Felipeni təbrik edib.

Məktubda deyilir:

“Sizə və Sizin simanızda bütün xalqınıza şəxsən öz adımdan və Azərbaycan xalqı adından ən səmimi təbriklərimi yetirirəm.

“Ümidvaram ki, ölkələrimiz arasında əlaqələrin, qarşılıqlı maraq doğuran əməkdaşlığın daha da inkişafı və genişlənməsi xalqlarımızın mənafelərinə xidmət edəcəkdir.

Bu əlamətdar gündə Sizə möhkəm cansağlığı, işlərinizdə uğurlar, dost İspaniya xalqına daim sülh və firavanlıq arzulayıram”.