Sürücülərin nəzərinə: Yeni radarlar tətbiq olunur

Onların “ağıllı radarlar” kateqoriyasına aid olduğu da deyilir

Baş Dövlət Yol Polisi İdarəsi (BDYPİ) magistral yollarda yeni radarları sınaqdan keçirməyə başlayıb. 

Hazırda yeni tip radarın ilk nümunəsi Qobustan qəsəbəsində yerləşdirilib. İlk baxışdan televizora oxşayan bu radarlar sürətlə hərəkət edən avtomobili həm öndən, həm də arxadan çəkə bilir. 

Eyni zamanda, onların “ağıllı radarlar” kateqoriyasına aid olduğu da deyilir. Qısa müddətdir quraşdırılmış bu radarların isə yaxşı işlədiyi məlum olub. Ona görə də, BDYPİ-nin rəhbərliyinin göstərişi ilə yaxın vaxtlardan etibarən onların magistral yollarda geniş şəkildə quraşdırılmasına start veriləcəyi gözlənilir.

İlk baxışdan televizora oxşayan bu radarlar sürücülərin qəniminə çevrilib. Belə ki, onlar qəsəbənin ərazisindəki radar qurğusunun götürüldüyünü zənn edərək, yeni qurğunun isə radar olmasına inanmadıqlarından sürət həddini aşdıqları üçün cərimə olunublar./Jam.az/

Ölkə.Az