Qarabağ separatçıları İtaliyada təxribatlarını davam etdirir

Xəbər verdiyimiz kimi İtaliyanın Rimini şəhərində təşkil olunan “TTG Incontri” beynəlxalq turizm sərgisində Azərbaycanın işğal altındakı torpaqlarında yaradılmış separatçı Dağlıq Qarabağ rejimi də “müstəqil” ölkə kimi iştirak edir.

Ölkə.Az-ın məlumatına görə, modern.az-ın Ermənistan KİV-nə istinadla verdiyi məlumata görə Dağlıq Qarabağdakı separatçı rejimin “turizm idarəsinin rəisi” Sergey Şahverdiyan “DQR”-in sərgidə tam heyətdə iştirak etdiyini bildirib.

Onun sözlərinə görə Dağlıq Qarabağ separatçıları sərgidə fəal iştirak edirlər. “Bu sərgidə iştirak Dağlıq Qarabağda turizmin inkişafına böyük imkanlar yaradacaq”,-deyə Şahverdiyan söyləyib.

Qeyd edək ki, sərgi oktybar ayının 9-da başlayıb və bu gün bitəcək.

Ölkə.Az