Jurnalistin babasının ölümünə səbəb olan Lənkəran sakini ölkəni necə tərk edib?

Azərbaycan Yazıçılar Birliyinin üzvü, gənc şair-jurnalist Vasif Əlihüseynin babası Qulamhüseyn Əlihüseynovun avtomobil qəzası nəticəsində ölümünə səbəb olan Lənkəran şəhər sakini Ağayev Bəxtiyar Balaş oğlu ölkəni müəmmalı şəkildə tərk edib.

Xatırladaq ki, qəza fevralın 21-də Ələt-Astara magistralının rayonun Göytəpə şəhəri ərazisindən keçən hissəsində qeydə alınıb. Lənkəran şəhər sakini Vağzal küçəsi, ev 28 də yaşayan 1985-ci il təvəllüdlü Ağayev Bəxtiyar Balaş oğlunun “Opel” markalı, 99 EL 192 dövlət nömrə nişanlı minik avtomobili, 1935-ci il təvəllüdlü Qulamhüseyn Kəlbi oğlu Əlihüseynovun idarə etdiyi “VAZ-2107” markalı, 44 BL 357 dövlət nömrə nişanlı minik avtomobili ilə toqquşdub.

Hadisə nəticəsində Qulamhüseyn Əlihüseynov dünyasını dəyişib.

Hadisə ilə bağlı Cinayət məcəlləsinin 263.2 maddəsi ilə cinayət işi açılmışdır.

İstintaqı aparan müstəntiq Elşən Mürsəliyev zərərçəkmiş tərəfə bildirmişdir ki, Bəxtiyar Ağayev ölkəni tərk etmiş və o, beynəlxalq axtarışa verilmişdir.

Hüquq müdafiəçisi Gülbala Zamanov isə bildirir ki, istintaq zamanı müstəntiq Bəxtiyar Ağayevin ölkədən çıxmasını rəsmi şəkildə məhdudlaşdırmalı idi.

Mövzuya qayıdacağıq.

Səxavət Məmməd
Ölkə.az