AzTV-nin aparıcısının işdən çıxarılmasının əsl səbəbi bu imiş?

AzTV-nin aparıcısı “Ben bilmem, eşim bilir”ə görə işdən çıxarılmayıb

Türkiyənin məşhur “Ben bilmem, eşim bilir” telelayihəsindəki iştirakına görə işindən uzaqlaşdırılan AzTV-nin “Xəbərlər” proqramının aparıcısı Vüsalə Səidi və həyat yoldaşı işindən uzaqlaşdırılmasının əsl səbəbinə aydınlıq gəlib.

Ölkə.Az-ın əldə etdiyi məlumata görə, əslində cütlük Türkiyənin məşhur “Ben bilmem, eşim bilir” telelayihəsindəki iştirakına görə telekanaldan uzaqlaşdırılmayıb. Bildirilir ki, hazırda AZTV-də ixtisarlar aparılır və bu addım da həmin ixtisarların davamıdır. Yəni, qısaca desək, Vüsalə Səidi və həyat yoldaşının məşhur telelayihədə rəhbərlikdən icazəsiz iştirakı onların da ixtisara düşməsi üçün bəhanə olub.

Qeyd edək ki, Məsələ ilə bağlı “qafqazinfo” Vüsalə Səidi ilə əlaqə saxlasa da, o, barədə danışmaq istəmədiyini bildirib.

AzTV-nin mətbuat xidmətinin rəhbəri Xatirə Qasımova isə bu barədə heç bir məlumata malik olmadığını söyləyib.

İntiqam VALEHOĞLU
Ölkə.az