Dörd nəfər tərəfindən zorlandığı deyilən qızın atası: "Qızım Bakıdadır və onunla heç bir əlaqəmiz yoxdur"

Ay yarım öncə Tovuzun Əyyublu qəsəbəsində tələbə qızın dörd həmkəndlisi tərəfindən zorlanmasıyla bağlı yayılan xəbər rezonans doğurmuşdu. Amma maraqlıdır ki, məsələ "isti" olanda bu xəbəri tirajlamağa üstünlük verən saytlar, qəzetlər işin gedişatını işıqlandırmağa o qədər də maraqlı görünmürlər.

Ölkə.Az yenidən Əyyublu qəsəbə sakini 20 yaşlı tələbə G.K-nın(ad şərtidir-İ.V.) atası Kamil M. ( ad şərtidir) ilə əlaqə saxlayıb.

- Kamil müəllim, məlum hadisəylə bağlı son durum nə yerdədir?

- Hazırda istintaq davam edir?

- Hansı maddə ilə?

- Cinayət Məcəlləsini 152-ci maddəsi ilə.

- Qızınız indi rayondadır?

- Xeyr, Bakıya qayıdıb.

- Qızınızla danışmağımız mümkündürmü?

- Özü telefon işlətmir, heç kimlə də əlaqəsi yoxdur.

- Bəs nə vaxt Bakıya qayıdıb?

- Dəqiq bilmirəm, xeyli olar.

- Təhsilini davam etdirir?

- Bəli, ona görə Bakıya qayıdıb.

- Qızınızla əlaqəniz yoxdur?

- Xeyr.

- Harda qaldığını da bilmirsiniz?

- Bakıdakı qohumumuzun evindədir.

- Bəs narahat deyilsiniz?

- Orada qohum-əqrəba çoxdur, dövlətin qanunu, polisi var. Ona görə də narahat deyiləm.

- Saxlanılan şəxslərin ailələri sizdən övladlarının bağışlanmalarını istəyiblər?

- Bəli, dəfələrlə olub. Amma mən demişəm ki, məsələ qanun çərçivəsində həllini tapmalıdır.

İntiqam VALEHOĞLU
Ölkə.Az