Hacı İbrahimin həbs xəbəri yayıldı

Bu gün səhər yayılan məlumatlara görə, “Avesta” konserninin rəhbəri, tanınmış iş adamı Hacı İbrahim Nehrəmli saxlanılıb.

Ölkə.az vinegret.az saytına istinadən xəbər verir ki, dünən gecə Azərbaycanın ən zəngin iş adamlarından biri Hacı İbrahim Nehrəmli həbs olunub.

Saytın yazdığına görə, iş adamı bu gecə hüquq-mühafizə orqanlarının əməkdaşları tərəfindən saxlanılıb.

Yayılan bu məlumatı Hacı İbrahimin layihəsi olan “Xəzər İsland”da çalışan məsul şəxslərdən biri təsdiqləyib. O, AzNews.az-a bildirib ki, hər gün adalarda olan Hacı İbrahim bir neçə gündür ki, iş yerinə baş çəkmir: “Dünən axşam isə eşitdik ki, onu həbs ediblər”.

Həmin şəxs bildirib ki, bu gün adada aparılan işlərə son verilib:

"Bütün tikinti işləri dayandırıldı", deyə Hacı İbrahimin işçisi bildirib.

Hələ təsdiqini tapmamış məlumatlara görə, Hacı İbrahimin həbsi "Beynəlxalq bank"ın və "Azimport" şirkəti rəhbərlərinin həbsi ilə sıx bağlıdır.

Hadisəni diqqətdə saxlayırıq

Ölkə.az