DİN mətbuat xidməti: Hacı İbrahimin həbsi haqqında bizdə heç bir məlumat yoxdur

"Avesta" şirkətlər qrupunun sahibi Hacı İbrahim Nehrəmlinin hüquq-mühafizə orqanları tərəfindən saxlanılması barədə mediada xəbərlər yayılıb.

Məsələni aydınlaşdırmaq üçün Daxili İşlər nazirliyinin mətbuat xidməti il əlaqə saxladıq.

Daxili İşlər Nazirliyinin mətbuat xidmətinin əməkdaşı Orxan Mənsurzadə Ölkə.az-a bildirib ki, bununla bağlı onlarda heç bir məlumat yoxdur. "Onların şirkəti ilə əlaqə saxlamaq lazımdır. Biz də hamı kimi bu məlumatları mediadan oxuyuruq", deyə DİN-nin mıtbuat xidmətinin əməkdaşı bildirib.

Orxan Mənsurzadənin sözlərinə görə, Hacı İbrahim Nehrəmlinin həbs olunub-olunmaması barədə Daxili İşlər Nazirliyinin mətbuat xidmətinə rəhbərlikdən və yerlərdəki polis idarələrindən heç bir məlumat daxil olmayıb.

Xatırladırıq ki, bu gün səhər internet mediada yayılan xəbərlərdə Hacı İbrahimin həbs olunduğu bildirilirdi.

Səxavət Məmməd
Ölkə.az