Yaşar İsakov: "Bütün məhbuslar nəzərdə tutulan hüquqlardan tam həcmdə istifadə edirlər"

"Cəzaçəkmə müəssislələrində saxlanılan bütün şəxslər AR Cəza İcra Məcəlləsində, AR Qanununda nəzərdə tutulan hüquqlardan tam həcmdə istifadə edirlər".

Son zamanlar həbs olunmuş şəxslərin təcridxana əməkdaşları tərəfindən zorakılığa məruz qalması barədə xəbərlər dolaşmaqdadır. Xüsusəndə zorakılığa məruz qalanların sırasında tanınmış simaların olması məsələyə diqqətin artmasına səbəb olub.

Açıqlamasında Penitensiar xidmət rəisinin mətbuat məsələləri üzrə köməkçisi Yaşar İsakov bildirb ki, xidmətin tabeliyində olan müəssisələrdə saxlanılan bütün şəxslər AR Cəza İcra Məcəlləsində, “Həbs yerlərində saxlanılan şəxslərin hüquq və azadlıqlarının təmin edilməsi haqqında” AR Qanununda nəzərdə tutulan hüquqlardan tam həcmdə istifadə edirlər.

"Təqsirləndirilən və azadlıqdan məhrum edilmiş şəxslərin cəzanı insan şəxsiyyətinə hörməti təmin edən şəraitdə çəkmək, ictimai faydalı əməklə, bədən tərbiyəsi və idmanla məşğul olmaq, istirahət etmək, tibbi, hüquqi və psixoloji yardımlar almaq, dini ayinlərin icra edilməsində iştirak etmək, təhsil almaq və peşə hazırlığı keçmək kimi əsas hüquqları cəzanı icra edən orqan tərəfindən tam təmin edilib. Qanunda nəzərdə tutulmuş həmin hüquqların həyata keçirilməsi üçün bütün müəssisələrdə müvafiq şərait yaradılıb. “Penitensiar xidmətin tabeliyində olan müəssisələrdə saxlanılan bütün şəxslər AR Cəza İcra Məcəlləsində, “Həbs yerlərində saxlanılan şəxslərin hüquq və azadlıqlarının təmin edilməsi haqqında” AR Qanununda nəzərdə tutulan hüquqlardan tam həcmdə istifadə edirlər". 

Xatırladaq ki, bir müddət bundan öncə həbsdəki hüquq müdafiəçisi Leyla Yunusun təcridxana əməkdaşı tərəfindən zorakılığa məruz qalması, REAL sədrinin və başqalarının ailə üzvlərinin dediyinə görə, bənzər davranış qaydası ilə qarşılaşması barədə məlumatlar yayılsada, öz təstiqini tapmamışdır.