İbadət evləri üçün nəzərdə tutulan qərarlar yumşalıb - Şahin Həsənli
"Operativ Qərargahın ibadət evləri üçün nəzərdə tutulan qərarlarında yumşalma baş verdi".
"Ölkə.az"ın xəbərinə görə, bunu Məşədi Dadaş məscidinin axundu Hacı Şahin Həsənli deyib.
"İnşallah yoluxma sayında müsbət dinamika davam etdikcə, digər məhdudiyyətlər də tədricən götürüləcək. Bu işdə zəhməti olan hər kəsə təşəkkür edirəm" - deyə ilahiyyatçı bildirib.
Lakin ilahiyyatçı yumşalmaların hansı yöndə olduğunu açıqlamayıb.
Məlumata görə, məlum olub ki, yumşalmalar arasında 14 yaşla bağlı məhdudiyyətin götürülməsi var. Belə ki, bu yaşa qədər olan uşaqların məscidə girişinə icazə verilib.
Qeyd edək ki, QMİ-nin qərarları sırasında sözügedən məsələ ilə bağlı bənd yer almışdı.
