"NATO-nun Azərbaycanla bağlı xüsusi əməkdaşlıq planı var"

"Rusiyanın Ukraynaya təcavüzündən sonra NATO nəinki üzv ölkələrinin təhlükəsizliyini, hətta müttəfiq dövlətlərin təhlükəsizliyini qorumaq üçün xüsusi bir planın hazırlanması üzrə iş görür". 

Bunu  NATO Əməkdaşlıq İnstitutunun rəhbəri Fərrux Məmmədov bildirib.

F. Məmmədov deyib ki,  xüsusi plana görə Avropanın Rusiya ilə sərhədlərində əlavə hərbi kontingentin yerləşdirilməsi və tərəfdaş ölkələrdə  NATO hərbi bazaların yaradılması nəzərdə tutulur: 

"Təbii ki, qeyd etdiyim ikinci məsələ tərəfdaş ölkələrin istəkləri əsasında mümkündür. Tərəfdaş ölkələrə hərbi əməkdaşlıq sahələrində müəyyən imzalanmış ikitərəfli müqavilələr var və burada həm NATO həm də tərəfdaş ölkələr bir sıra öhdəliklər üzərlərinə  götürüblər. Azərbaycan NATO münasibətləri isə hal-hazırda eyni istiqamətdə davam edir. Elə buna görə də NATO-nun Azərbaycanla bağlı xüsusi əməkdaşlıq planı var. Lakin bu plan hələ ki, icra olunmur. 

Bunun üçün hər iki hər iki tərəfin tərəfdaşlıqda olan səmimiyyəti gərək eyni müstəvidə olsun. Yeni fəaliyyətə başlamış baş katib isə bütün üzv və tərəfdaş ölkələrinə səfər edəcək. Səfərin də biri məhz Azərbaycana olacaq. Bu səfər çərçivəsində xüsusi tərəfdaşlıqla bağlı orada danışıqlar gedə bilər".(Aktual.az)

Ölkə.az