"Razin"də binaların üzlükləri sökülür

Söküntü işlərinə başlanılıb.

Ölkə.Az xəbər verir ki, Bakının Sabunçu rayonunda yerləşən Bakıxanov şəhər tipli qəsəbəsində binaların üzlükləri sökülməyə başlayıb. Qəsəbə sakinləri bildirir ki, İcra Hakimiyyəti binasının yaxınlığında, Heydər Əliyev parkı ilə üzbəüz yerləşən binalarda penoplast üzlüklər sökülür. Hadisə yerində hər hansı çəkiliş etməyə icazə verilmir.

Qeyd edək ki, artıq Bakıda binaların daş örtükləri kütləvi şəkildə fasada eyni görünüşü verən, lakin yanğına çox həssas olan penoplast örtüklər əvəzlənib. Bugünkü yanğınla bağlı danışan Baş prokuror Zakir Qaralov deyib ki, ilkin ehtimallara görə yanğının baş verməsinə binaya çəkilmiş üzlük materialının keyfiyyətsiz olması səbəb olub.

Hadisə yerində olan jurnalist Gülgün İsmayılova bildirilir ki, üzlükləri sökənlər arasında qəsəbə sakinləri də var.

Onun bizə göndərdiyi Bakıxanov qəsəbəsində üzlüklərin sökülməsini əks etdirən fotoları sizə təqdim edirik:

Rəşid Mustafazadə

Ölkə.Az