Müəllimlər mükafatlandırıldı

Bərdə şəhərindəki akademik Zərifə Əliyeva adına məktəb-liseydə Beynəlxalq Müəllim günü münasibətilə tədbir keçirilib

Rayon icra hakimiyyətinin başçısının müavini Fəqət Şadlinskaya müəllimləri əlamətdar gün münasibəti ilə təbrik edib.

Çıxışlarda qeyd olunub ki, rayonun builki məzunlarından 344 nəfər ali məktəbə, 226 nəfər orta ixtisas məktəblərinə qəbul olunub. Onlardan 23 nəfəri 600–dən yuxarı bal toplayıb, 4 nəfəri Prezident təqaüdünə layiq görülüb. Müəllim günü ərəfəsində ölkə Prezidentinin Sərəncamı ilə akademik Zərifə Əliyeva adına məktəb-liseyin müəllimi Püstə Mehdiyeva “Əməkdar Müəllim” fəxri adına layiq görülüb, şəhər 3 saylı tam orta məktəbin direktoru Səfurə Hümbətova “Tərəqqi” medalı ilə təltif olunub.

Tədbirdə qabaqcıl müəllimlərə fəxri fərman və hədiyyələr verilib./Qafqazinfo/

Ölkə.Az