Efirdə "şpaqat açan" Mətanətdən baş vermiş faciəyə böyük hörmətsizlik
Bu gün ATV telekanalında yayımlanan “Gündəlik” verilişində Bakıdakı yanğın haqqında danışılıb.
Efirdə şpaqat açmaqla məşhurlaşan aparıcı Mətanət Əliverdiyevanın proqramdakı çıxışı bu gün sosial şəbəkələrin ən çox müzakirə olunan mövzusuna çevrilib:
“Biz o faciəni lap belə faciə etməməliyik. Oldu, elə bil bir külək idi, bir şey idi, bir film idi baxdıq, getdi”, deyərək aparıcı bu faciəyə görə ürəyi sızlayan milyonların heysiyyatına toxunaraq xalqı özündən çıxarıb.
Hadisənin şokunu hələ uzun müddət üzərindən ata bilməyəcək bina sakinləri və onların yaxınlarının isə bu sözlərdən sonra hansı hisslər keçirdiyini təsəvvür etmək belə çətindir.
Xatırladırıq ki, srağagün Bakının Binəqədi rayonu ərazisində 16 mərtəbəli yaşayış binasının yanması nəticəsində 15 vətəndaşımız həlak olmuş, 60 nəfər isə yaralanmışdı.
Ölkə.az
