Fasadların sökülməsi də bir dərd oldu - təhlükəsizliyə riayət olunmur

 

Artıq bununla bağlı ən yüksək səviyyədə göstəriş də verilib. Belə ki,  prezident  İlham Əliyev yaradılan Dövlət Komissiyasının iclasında yanğına səbəb olan materialla üzlənmiş binalardakı üzlüklərin sökülməli olduğunu bildirib.  Ölkə başçısının göstərişindən sonra sözügedən üzlüklərin binalardan sökülməsinə başlanılıb. Amma indi də başqa bir məsələ naharatçılığa əsas verir. Bunu paytaxt sakinlərindən birinin Ölkə.Az-ın ünvanına göndərdiyi videodan da müşahidə etmək mümkündür.  

Belə ki, söküntü işləri aparılarkən təhlükəsizlik tədbirlərinə demək olar ki, riayət edilmir.  Videonu göndərən vətəndaşın dediklərindən:

"Fasadları sökürsüz, lap əla. Amma təhlükəsizliyi də nəzərə alın. Söküb yuxarıdan aşağı tökürsüz, birdən binanın alaqapısından kimsə çıxsa, onda necə olacaq? Gərək hadisə baş versin, ondan sonra nəsə tədbir görəsiz?"

 

Sözügedən görüntüləri oxuculara təqdim edirik. Ümid edirik ki, aidiyyatı qurumlar vətəndaşların narahatçılığını nəzərə alıb müvafiq təhlükəsizlik tədbirləri həyata keçirəcəklər.