Polis COVID-19 pasportu olmayanları toya buraxmır - FOTO/VİDEO
Daxili İşlər Nazirliyi (DİN), İqtisadiyyat Nazirliyi yanında Dövlət Vergi Xidməti, Azərbaycan Qida Təhlükəsizliyi Agentliyinin əməkdaşlarından ibarət monitorinq qrupları paytaxtda fəaliyyət göstərən bütün şadlıq evlərində yoxlama-nəzarət profilaktik tədbirlər həyata keçirir.
Ölkə.Az-ın məlumatına görə, şənlik mərasimlərinə (toy, ad günü və s.) dəvət olunan qonaqların COVID-19 pasportunun olub-olmaması yoxlanılır və bu tədbirlər paytaxtdakı bütün restoranları əhatə edir.
Məlumatı DİN-in kütləvi informasiya və ictimaiyyətlə əlaqələr şöbəsinin rəisi, polis mayoru Elşad Hacıyev Ölkə.az-a təsdiqləyib.
Tədbirlərin keçirilməsində əsas məqsəd koronavirusa infeksiyasının kütləvi yayılmasının qarşısının alınması və Nazirlər Kabinti yanında Operativ Qərargahın müvafiq qərarına yerlərdə vətəndaşlar tərəfindən əməl edilməsinin təmin olunmasıdır.
