Azərbaycan və Rusiya Xəzərdə birgə hərbi təlim keçirəcəklər
Xəzər dənizində ilk dəfə Azərbaycan və Rusiya birgə hərbi təlimi keçiriləcək, bu təlimlərə ona yaxın gəmi cəlb ediləcək.
Bu barədə Cənub hərbi əyalətin mətbuat xidməti bildirib.
“Konsultasiyalar zamanı hərbi heyətlərin nümayəndələri Xəzər dənizinin orta hissəsində 2015-ci ilin sentyabr ayında “Xəzər Dənizində dəniz iqtisadi fəaliyyəti obyektlərinin müdafiəsi üzrə müştərək fəaliyyət” mövzusunda təlimin keçirilməsi barədə razılığa gəliblər”, - məlumatda deyilir.
Mətbuat xidmətinin məlumatına əsasən, təlimlər zamanı hərbçilər Xəzər donanması və Azərbaycan gəmilərinin “Xəzər dənizində gəmiçilik və beynəlxalq dəniz fəaliyyətinin təhlükəsizliyinin təmin edilməsi, dəniz və hava hədəflərinə birgə artilleriya atəşinin açılması, qəza gəmisinə yardımın göstərilməsi üzrə” və digər müştərək gəmi təlimləri keçirəcəklər.oxu.az
Ölkə.Az
