Fərhad Məmmədov qardaşının həbsindən danışdı

"Heç bir problem yoxdur"

Bu gün DİN-in Baş Mütəşəkkil Cinayətkarlıqla Mübarizə İdarəsi (“Bandotdel”) Prezident yanında Strateji Araşdırmalar Mərkəzinin rəhbəri Fərhad Məmmədovun qardaşı Fərid Məmmədovun saxlanılması barədə xəbərlər yayılıb.

Ölkə.Az olaraq hazırda Şanxayda səfərdə olan Strateji Araşdırmalar Mərkəzinin rəhbəri Fərhad Məmmədovla əlaqə saxlayaraq yayılam məlumatlara münasibətini öyrəndik:

"Mən bir saat öncə qardaşımla danışmışam. Heç bir problem yoxdur", - deyə SAM-ın rəhbəri bildirib.

Qeyd edək ki, yayılan xəbərə görə, Fərid Məmmədov mayın 22-də həbs edilib. "Bank Technique"nin (köhnə “Texnikabank”) Xəzər filialının rəhbəri olan Fərid Məmmədov həbs ediləndə onun kabinetindən 4 milyon dollar nağd pul çıxıb.

Rəşid Mustafazadə

Ölkə.Az