Hafiz Məmmədov qaçmağı ilə bağlı xəbərdən danışdı

“Mənim ölkədən qaçmağım haqda KİV-lərdə yayılan informasiyalar tamamilə yalandır. Hazırda Londondayam, müalicə alıram. Ayağımda problemlər var. Yaxın günlərdə Bakıya dönəcəyəm”. 

Bu sözləri açıqlamasında məşhur oliqarx Hafiz Məmmədov (“Hafka”) deyib.

Hafiz Məmmədov onun cinayət məsuliyyətinə cəlb olunacağı haqda KİV-lərdə yer alan iddiaları da rədd edib.

“Qayıdandan dərhal sonra sizinlə görüşməyə və bütün suallarınıza cavab verməyə hazıram”- deyə oliqarx bildirib.

Xatırladaq ki, bu gün bəzi KİV-lər “Hafka”nın adının da “oliqarxların işi”ndə keçdiyini, onun iri məbləğdə kredit dələduzluğu ittihamı ilə keçirilən istintaq tədbirlərindən yayınmaq üçün ölkədən qaçdığını yazıblar. (virtualaz.org)

Ölkə.Az