Əhmədlidə yanan binanın sakinləri BŞİH-nə toplaşıblar

Aprel ayında Əhmədlidə yanan binanın sakinləri Bakı şəhər icra hamiyyətinə toplaşıblar.

Xatırladırıq ki, "Nargilə" kafesinin yaxınlığında yerləşən binalardan birində aprel ayının 10-da güclü yanğın baş vermişdi. Yanğına səbəb penoplast üzlük olmuşdu.

Yanğında insan itkisi olmasa da, sakinlərin əmlakına ciddi ziyan dəymişdi. Bakı şəhər icra hakimiyyətinin verdiyi vədlərə baxmayaraq artıq hadisədən ay yarım vaxt ötüb və onlara heç bir yardım göstərilməyib.

Bakı şəhər icra hakimiyyətinin qarşısına toplaşan sakinlər Hacıbala Abutalıbovun qəbuluna düşmək istəsələr də mer onları qəbul etməyib.

İcra hakimiyyətinin qarşısında sakinlərlə görüşən Ölkə.az müxbiri xəbər verir ki, sakinlər şəhər icra hakimiyyətindən narazıdırlar və tələb edirlər ki, icra orqanları onlara verdikləri sözə əməl etsinlər.

Ölkə.az